Астана таланттардың басын қосады: «ТМД үшін 100 идея» халықаралық финалы және IT-Aiel 2025 қорытындысы

Қазақстанның елордасы жастар инновациясының орталығына айналуға дайындалуда. 2025 жылғы 20–21 қарашада Астанада ауқымды «ТМД үшін 100 идея» жобасының халықаралық финалы өтеді. Бұл шара өңірдің болашағын өзгертуге қауқарлы ең перспективалы жобаларды анықтау үшін Достастық елдерінің үздік жас новаторларын, зерттеушілері мен кәсіпкерлерін біріктіреді.

Әйелдердің IT-қоғамдастығы үшін басты оқиға Форумның негізгі сәттерінің бірі – TechnoWomenқоғамдастығының жыл қорытындысын таныстыруы болмақ. Қатысушылар мен қонақтар IT-Aiel / AqylTech 2025жобасының жұмыс нәтижелерімен таныса алады.

• Күні мен уақыты: 20 қараша, 10:00 – 13:00

• Орны: Қазақстан Республикасының Ұлттық музейі (Тәуелсіздік даңғылы, 54)

• Спикер: Азиза Шөжеева (@aziza.astana), TechnoWomen Басқарма Төрайымы.

IT-Aiel жобасы цифрлық индустрияда әйелдердің құқықтары мен мүмкіндіктерін кеңейтудегі маңызды қадам болды. Қорытынды презентация қатысушылардың өткен жылдағы ең жарқын кейстері мен жетістіктерін паш етеді.

Форум бағдарламасында не бар? Екі күндік бағдарлама халықаралық ынтымақтастықты нығайтуға бағытталған ресми және мәдени шараларға толы:

• Инновациялық серпіліс: «ТМД үшін 100 идея» үздік жастар жобаларының финалдық қорғауы.

• Жоғары деңгейдегі диалог: ТМД-ға мүше мемлекеттердің Жастар істері жөніндегі кеңесінің отырысы.

• Нетворкинг: Халықаралық бастамалар мен жастардың өзара іс-қимылының жаңа форматтарын талқылау.

• Мәдени таным: Қонақтарды Астананың көрікті жерлері бойынша мазмұнды экскурсиялық бағдарлама күтеді.

«ТМД үшін 100 идея» – бұл жай ғана байқау емес, бұл идеялар қоғамның, экономиканың және технологиялардың дамуының шынайы құралына айналатын алаң. Барлық мүдделі тұлғаларды, БАҚ өкілдерін және жастар көшбасшыларын осы маңызды оқиғаға қосылуға шақырамыз!

Астанада кездескенше!