- This event has passed.
AqylTech 2026 аясында жасанды интеллект арқылы табыс табуға арналған тәжірибелік сессия өтеді
22 сентября @ 17:30 - 19:00 UTC+6
22 қыркүйек күні сағат 17:30-да Х. Досмухамедов атындағы Атырау университетінде (Студенттер даңғылы, 212) AqylTech 2026 форумы аясында «AI – новый источник дохода» атты қарқынды тәжірибелік сессия ұйымдастырылады.
Шараның негізгі оқиғасы – Қазақстанда жасанды интеллект бағытында 60-тан астам іс-шара өткізіп, 500-ден астам түлекті оқытып шыққан тәжірибелі сарапшы әрі оқытушы Наталья Абрамованың жетекшілігімен өтетін 30 минуттық тәжірибелік жұмыс. Сессия заманауи цифрлық құралдарды меңгеру арқылы қосымша табыс көзін қалыптастыруға және жұмыс процестерін оңтайландыруға мүдделі мамандарға арналған.
Шеберлік сыныбының бағдарламасы барынша тәжірибелік маңызға негізделген. Қатысушылар нақты кейстерді талқылап, заманауи технологиялық шешімдерді сынақтан өткізе алады және оларды коммерциялық мақсатта қолдану мүмкіндіктерін бағалайды.
Ұйымдастырушылар цифрлық құзыреттерін дамытып, өз қызметінде тиімді нәтижелерге қол жеткізгісі келетін барлық қатысушыларды сессияға шақырады. Алынған білім мен дағдылар жаңа технологияларды тәжірибеге тез арада енгізуге мүмкіндік береді.