Айболат Абитбековпен «IT-ШАЙ»: шетелде оқу арманын нақты жоспарға айналдыру

21 тамызда сағат 17:00-де TechnoWomen Instagram желісінде «IT-ШАЙ» топтамасының кезекті кездесуін өткізеді. Қонақ – Cornell University және MIT түлегі, «Болашақ» стипендиясының иегері, «Проще, чем кажется: Стратегии поступления в топовый зарубежный университет» кітабының авторы Айболат Абитбеков.

Кездесу мына тыңдармандарға арналған:

• шетелде магистратурада оқуды жоспарлап жүргендерге;
• AI, Data немесе Technology саласында оқығысы келетін, бірақ дайындықты неден бастау керегін білмейтіндерге;
• құжаттарын дайындап жатқан, бірақ өтінімін күшейткісі келетіндерге.

Тікелей эфирде Айболат оқу арманын нақты түсу жоспарына қалай айналдыруға болатынын түсіндіреді, MIT пен Cornell-ге түсу тәжірибесімен бөліседі және сәтті өтінімнің негізгі элементтерін талдайды.

Іс-шараны TechnoWomen, Aqyl Tech, IT-AIEL, Astana Hub және жоба серіктестері бірлесіп ұйымдастырады.

Қатысушылар арасында ұтыс ойыны өтеді: тікелей эфирде спикерге қойылған үздік сұрақтың иесі TECHNOWOMEN фирмалық шоппер сөмкесін ұтып алады.

Тіркелу: сілтеме TechnoWomen Instagram профилінің басында орналасқан – https://forms.gle/NJmA7zTB2RasTfYD8

Күні мен уақыты: 21 тамыз, сағат 17:00, онлайн, Instagram тікелей эфирі.