Бүгін TechnoWomen ұйымының өкілдері Қазақстандағы Индонезия Республикасының Төтенше және Өкілетті Елшісінің Резиденциясында өткен бизнес-таңғы асқа қатысты.
Іс-шараға Мохамад Фаджроэл Рахман – Қазақстандағы Индонезия Республикасының Төтенше және Өкілетті Елшісі қатысты. Сонымен қатар кездесуге оның жұбайы және Ринавати Прихатинингсих – PT Infinitie Berkah Energi компаниясының тең иесі әрі Президент Комиссары, сондай-ақ G20 EMPOWER Indonesia ұйымының тең төрайымы қатысты.
Жылы әрі сындарлы атмосферада Қазақстан мен Индонезия арасындағы іскерлік байланыстарды дамыту, ынтымақтастық мүмкіндіктері және халықаралық деңгейде бизнестегі әйелдерді қолдау мәселелері талқыланды.
Мұндай кездесулер серіктестікті нығайтып, бірлескен бастамаларды жүзеге асыруға берік негіз қалайды.
