Технологиялар әлемді әр секунд сайын өзгертіп жатқан заманда, инновациялардың ортасында болу өте маңызды. Осы мақсатта RoboTechnoGirls жобасының қатысушылары Қазақстанның инновациялық орталығы – Astana Hub-қа барды.
Серіктесіміз Technowomen қауымдастығының шақыруымен ұйымдастырылған бұл сапар қыздар үшін жай ғана экскурсия емес, IT-мүмкіндіктер, стартаптар мен креативті индустрия әлеміне жасалған үлкен қадам болды.
Инновациялық экожүйеге саяхат
Сапар барысында қыздар Astana Hub-тың ішкі тыныс-тіршілігімен танысты. Халықаралық технопарктің IT-таланттарды қалай қолдайтынын, стартаптарға қандай жағдай жасалатынын және нарықты өзгертетін жобалардың қалай дүниеге келетінін білді.
Сапардың ең маңызды бөлімі технология саласындағы көшбасшылардың дәрістері болды:
-
Tumo орталығы: Жасөспірімдерге арналған шығармашылық технологиялар мектебімен танысу. Бұл тегін мектеп осы күзде «Нұр Әлем» павильонында ашылады деп жоспарлануда.
-
Tomorrow School: Студенттерге арналған жасанды интеллект мектебінің таныстырылымы. Бұл – ЖИ саласындағы жаңа мүмкіндіктер көзі.
-
UniSat: Қыздар өз бетінше наноспутниктерді құрастырып, ұшыратын бірегей бағдарлама туралы ақпарат.
-
Technovation және Kinergy: Жас қыздардың IT арқылы әлеуметтік маңызды жобаларды қалай жасап, әлемді қалай өзгерте алатыны туралы шабыттандырушы кездесу.
-
ЖИ және болашақ мамандықтары: Жасанды интеллекттің еңбек нарығын қалай өзгертетіні және болашақта қандай дағдылар қажет болатыны туралы сарапшының мотивациялық сөзі.
Болашаққа ұмтылыс
Қыздар үлкен білім қорымен және ең бастысы – ерекше мотивациямен оралды. Қатысушылардың көбі күзден бастап жаңа бағдарламаларға қатысуды жоспарлап отыр.
Біздің серіктестеріміз @technowomenkz және @astana.hub-қа қыздарға технология әлеміне есік ашып, жылы қабылдағаны үшін алғыс айтамыз!
